Bowlio Lawnt Werdd Dan Do

Pafiliwn Jade Jones yn y Fflint yw cartref bowlio dan do yn Sir y Fflint gyda Llain Fowlio Deg 8-lôn ar y llawr isaf, a lawnt bowlio werdd 4-lôn ar y llawr cyntaf.

Mae’r lawnt fowlio werdd yn bodloni safonau cenedlaethol a rhyngwladol, a dyma gartref Clwb Bowlio Dan Do Sir y Fflint. Mae’r clwb yn gweithredu rhaglen gynghrair gynhwysfawr o fis Hydref at fis Mawrth, ar ffurf Senglau, Parau a Thripledi.

Gan mai dyma’r unig glwb bowlio dan do yn y Sir, mae croeso i aelodau newydd bob amser ac mae hyfforddwyr y clybiau ar gael i helpu a chynorthwyo bowlwyr newydd neu rai dibrofiad.

Caiff bowlwyr achlysurol hefyd eu hannog i ddefnyddio’r cyfleuster gan fod yr offer angenrheidiol i gyd ar gael i’w logi o’r brif dderbynfa yn y ganolfan hamdden.