60+ Cynllun Hamdden Actif

Yn addas ar gyfer pob gallu, bydd ein hyfforddwr yn eich arwain drwy hanfodion bowlio dan do. Cewch gymdeithasu tra’n gwella eich cydsymudiad a’ch cydbwysedd a dysgu sgiliau newydd.

Dosbarth ymarfer corff mewn grŵp dan oruchwyliaeth sy’n addas ar gyfer pob gallu ac sy’n cael ei gynnal gan Hyfforddwr Proffesiynol Atgyfeirio Cleifion i Wneud Ymarfer Corff. Mae’n helpu i wella’ch ystum, rheoli cyflwr eich cefn ac adfer yr holl gyhyrau sy’n cynnal eich cefn i weithio’n iawn.

Ffordd wych o gymdeithasu heb yr ymarfer corff; dewch i fwynhau te neu goffi a sgwrs gyda phobl eraill o’r un anian i weld a allwch chi ennill y cwis wythnosol.

Mae dosbarthiadau hub yn gwella cydsymudiad, cydbwysedd ac ymwybyddiaeth o’r corff er mwyn osgoi anafiadau diangen. Mae Hub yn canolbwyntio ar batrymau symud sydd â phwrpas, a thrwy hynny wella gallu’r corff i weithio’n effeithlon fel un uned. Nod Hub yw gwneud gweithgareddau bob dydd yn haws drwy eich helpu i fagu cryfder a hyder.

Addas ar gyfer unrhyw oedolion 60 oed neu hŷn sy’n nofwyr gwannach / nofwyr hamddenol. Bydd athro nofio wrth ochr y pwll i gefnogi unrhyw un sydd angen cymorth.

Mae sesiynau Atgofion Chwaraeon wedi’u hanelu at bobl 50 oed neu hŷn ac maent wedi’u cynllunio i ysgogi sgwrs, helpu i ail-fyw atgofion cadarnhaol a darparu llawenydd a chwmnïaeth. Mewn Clybiau Atgofion Chwaraeon, mae pawb yn gyfeillgar ac yn cael hwyl ac ymdeimlad cryfach o les.

Mae Tai Chi yn arfer sy’n cynnwys cyfres o symudiadau ysgafn araf ac osgo corfforol gwahanol, cyflwr meddwl myfyriol, ac anadlu rheoledig. Mae’n canolbwyntio mwy ar hybu iechyd ac adsefydlu.Mae Tai Chi yn gyflwr o gydbwysedd meddyliol, corfforol ac ysbrydol; cyflwr o les ynoch chi’ch hun.

Mynd am dro yn yr awyr agored, archwilio a chroesawu popeth sydd gan Sir y Fflint i’w gynnig. Rydym yn argymell gwisgo esgidiau cyfforddus a dod â dillad glaw ysgafn rhag ofn i’r tywydd newid yn annisgwyl. Mae’r teithiau cerdded hyn yn amrywio ac rydym yn darparu ar gyfer pob lefel.